JaNei <$BlogRSDUrl$>

föstudagur, maí 13, 2005

ALLT AÐ GERAST
Þá er stúlkan loksins búin með prófin, komin í sumarfrí og mætt í Reykjavíkina, ekki leiðinlegt það!!

Nú er svo búið að vera á fullu að undirbúa Tanzaníuferð. Í gær voru apótek borgarinnar tæmd þegar mín mætti á svæðið og keypti moskítóvörn, afterbite, magatöflur, plástra, spritt, sólarvörn, aftersun og sitthvað fleira sem fólk þarfnast þegar haldið er erlendis! Svo var farið í Smáralindina og fjárfest í nokkrum sumarfötum, sem er sennilega nauðsynlegt þegar yahoo lofar svona veðri daginn sem við mætum! Það er bara eins gott að þetta standist!

Annars ætla ég bara að kveðja ykkur í bili kæru vinir. Við Kleinan höldum af landi brott eldsnemma á sunnudagsm0rgun með bakpoka og myndavél. Fyrst verður flogið til London, þar sem þörf er á að bíða í 9 klst eftir næsta flugi sem fer í loftið um 8pm. Sú flugvél flytur okkur til Nairobi í Kenya og lendir um klukkan 7am. Aftur tekur við bið, því flugvélin til Tanzaníu fer ekki fyrr en um 1pm og er áætluð lending í Dar Es Salaam um 3pm á staðartíma! Héðan í frá verðu svo bloggað þegar tími og net eru til staðar og vil ég minna lesendur mína á að Kleinan mun einnig halda úti bloggsíðu sem vert er að kíkja á.

Over and out

sunnudagur, maí 08, 2005

Alveg að verða búið....
...þá eru bara tveir dagar þangað til ég verð komin í sumarfrí. Ég verð að viðurkenna að ég hlakka mikið til. Það verður væntanlega brunað beint í bæinn eftir próf á þriðjudag, kannski stoppað á Blöndósinni ef einhver vill taka á móti mér þar!

Nú er vika þangað til haldið verður af stað í hið margumtalaða ferðalag. Á morgun þarf ég því að taka mína fyrstu malaríutöflu. Búast má við aukaverkunum eins og magapest, skrýtnum draumum og styttri svefni. Þessar töflur á svo að taka vikulega meðan ég er úti og í fjórar vikur eftir heimkomu. Það má því gera ráð fyrir skrautlegum nóttum framundan.

Svo er öruggast að minna á að sumir eiga afmæli eftir nákvæmlega mánuð. Að vísu verður afmælisbarnið erlendis þá, en afmæliskveðjur eru vel þegnar hér á blogginu og eftir að heim verður komið ;)

Að lokum við ég svo óska móður minni og öllum öðrum mömmum sem ég þekki til hamingju með daginn!!

En það er best að fara og massa lærdóm fyrir síðasta prófið !!
Wish me luck...

This page is powered by Blogger. Isn't yours?