JaNei <$BlogRSDUrl$>

laugardagur, febrúar 26, 2005

Vikan...
...var ekki mjög merkileg. Það var lært og æft og lært meira og æft aðeins meira og skilað verkefni og æft!! Mjög spennó!! Nú á ég "bara" eftir að skila einu verkefni áður en ég kem heim í verknám.

Jú, vikan var svolítið merkileg,, því ég og Steinunn pöntuðum okkur flug til TANZANIU !!! Förum strax eftir prófin, þetta verður örugglega alveg magnað. Svo nú bíð ég bara eftir bókum frá amazon og fer í bólusetningar í næstu viku. Já, maður stekkur sko ekkert til Afríku.

Og vikan varð bara fjörugri eftir því sem á leið. Frændinn lét sjá sig hér norðan heiða í gær og máluðum við bæinn rauðan, eins og okkur einum er lagið!! Spurning hvort það verður framhald í kvöld !!!

Og í dag er LAUGARDAGUR. Þá er borðað nammi. Alveg sama hvort manni langar í nammi eða ekki. Því það er ekki nammidagur aftur fyrr en eftir heila viku !!!

sunnudagur, febrúar 20, 2005

GALLABUXUR
Vildi bara minna ykkur á að fara ekki á djammið í gallabuxum. Maður gæti endað á árshátíð og verið hent út. Það gerðist fyrir mig í gær. Skrapp á Hótel KEA að hitta fólk og var hent tvisvar út á korteri,, vegna klæðaburðar!! Það var svolítið vandræðalegt!! En allt endaði þetta vel þar sem boðið var í eftirpartý með dúndrandi tónlist, bjór og heitum potti og þessi blanda klikkar aldrei.

En það er spurning að fara að læra. Verkefni bíða í röðum eftir að vera skilað.
Over and át..

This page is powered by Blogger. Isn't yours?