JaNei <$BlogRSDUrl$>

miðvikudagur, janúar 26, 2005

LÆKNAR....
Mín fór upp á slysó í dag eftir að hafa þrjóskast við nógu lengi eftir brettaföllin um daginn. Það er nú varla í bloggsögur færandi nema hvað það sannaðist fyrir mér enn og aftur hvað læknar hér á landi eru klaufalegir í samskiptum. Ég var beðin um að segja hve slæmur verkurinn væri á skalanum 1-10 og ég, með alla mína verki og pirring ,sagði heiðarlega; "svona 9". Læknirinn, sem var karlkyns, sagði fúll að það gæti nú ekki verið, þar sem "fæðing væri 10". Ég sagðist þá bara eiginlega ekki geta svarað þessari spurningu enda aldrei átt barn, en sé mest eftir því að hafa ekki spurt hann hvernig fæðingin hefði gengið hjá honum.... !!!!


mánudagur, janúar 24, 2005

Hafa AKUREYRINGAR aldrei heyrt talað um SALT?
Já, veturinn virðist vera að fara héðan af Norðurpólnum og nú er hlýtt, rok og viðbjóðsleg færð. Það er gjörsamlega ómögulegt að ganga um hér þar sem snjórinn er ekki farinn af gangstéttunum og bleytan sest ofan á hann. Þessi (ó)færð gerði það að verkum að ég datt næstum því nokkrum sinnum á leið í skólann í morgun, sumir duttu, ég kom rennandi blaut í fæturnar í skólann og var helmingi lengur á leiðinni þangað en ég vanalega er.
Það er svoo erfitt að vera til...



This page is powered by Blogger. Isn't yours?