JaNei <$BlogRSDUrl$>

fimmtudagur, október 21, 2004

Öll lurkum lamin...
..eða ætti ég kannski að segja "spöðum lamin!" Ég hefði átt að monta mig meira af harðsperruleysinu í gær, því að í dag get ég varla gengið, sofið eða hlegið eftir of mikið badmintonspil !! En þetta er þess virði !!!

Og til að koma í veg fyrir allan misskilning og leiðindi þá er ég búin að hafa það rosalega gott heima hjá mömmu og pabba! Ég og Brósi skemmtum okkur saman fram eftir degi og svo er dekrað við mann seinnipartin.... !!!


miðvikudagur, október 20, 2004

Ó Borg mín Borg
Þá er ég komin heim og það er geggjað. Margt búið að bralla og heilmargt eftir að gera.
Á föstudaginn stoppaði ég nógu lengi heima hjá mér til þess að skoða gjafirnar sem litli brósi fékk í afmælisgjöf, áður en ég hélt á fund vina í Sæviðarsundinu. Þar var rosa stuð og gaman að hitta liðið loksins. Svo var haldið í Bæinn og stóð hann undir væntingum þrátt fyrir að ég hafi ekki haldið á Hverfisbarinn nema til þess að pissa !

Af ákveðnum, ótilgreindum ástæðum bauð laugardagskvöldið upp á edrú djamm:) Samt stuð. Kíkti á Vegamótin að skoða fólkið og rúntaði Laugarveginn. Það er alltaf stemming í því !!
Sunnudeginum var eytt í étingi í Vesturbænum. Þar var boðið upp á stórglæsilegan 3ja rétta matseðil og var etið á sig stórt gat.... við frænkurnar erum nefnilega svo góðar í því!!
Til að jafna sig á átinu var haldið í Laugar á mánudaginn!

Og í gær fór mín á Badmintonæfingu! Var nú með svolítinn hnút í maganum að fara aftur á æfingu en ákvað svo að slá til. Hélt á meistaraflokksæfingu, þýðir ekkert annað, og stóð mig bara með ágætisprýði, held ég! Þetta var rosa gaman þrátt fyrir huges blöðru undir iljunum eftir öll lætin ! En engar eru harðsperrurnar svo ég mæti aftur í kvöld ! Spurning um að fara að æfa aftur ???

Og í dag heimsótti ég sætu Börnin mín í vinnunni. Þau eru svo æðisleg, finnst þau hafa stækkað síðan í sumar! Sé þau svo aftur um jólin !
Later...

This page is powered by Blogger. Isn't yours?