JaNei <$BlogRSDUrl$>

föstudagur, janúar 30, 2004

Sko, Evan mín tók mig bara á orðinu og er á leið hingað norður á morgun að hjálpa mér að þrífa!! Talandi um góða vini :) Nei, annars, þá er ég bara búin að þrífa allt (svooo dugleg) en Eva er samt að koma hingað. Hlakka svo til að sjá stelpuna!!
Annars ekkert sérstakt að frétta, það bara snjóar og er ógeðslega kalt!! ADIOS

þriðjudagur, janúar 27, 2004

Latir þessir kennarar nú til dags, þeir láta okkur bara um að kenna námsefnið ;) Í dag var okkur í bekknum semsagt skipt upp í hópa með sitthvern kaflann í iðjuþjálfun og látnar kenna hann, með tilheyrandi glæru-showi og látum!! Get nú viðurkennt að það var smá fiðringur í maganum fyrir þessa kennslu, en þetta gekk allt saman ágætlega! Spurning um að skipta yfir í kennaradeildina!!!

Nú er ég búin að uppgötva að ég get hlustað á SKONROKK á netinu, þvílík snilld:) Þetta bjargar alveg útvarpsmenningunni hér norðan heiða!

Það er nú ekki lítið sem að maður er látinn ganga í gegnum þessa vikuna hér í húsinu mínu; ég á bæði að þrífa eldhúsið og sameignina, í sömu vikunni!! Búin að kvíða fyrir að þrífa þessa sameign síðan ég flutti hingað og nú er komið að því! Öllum sem langar að koma og hjálpa mér við þrifin eru velkomnir í heimsókn:)

mánudagur, janúar 26, 2004

Þá er ég komin aftur norður í snjóinn og kuldann eftir yndislega helgi í Reykjavíkinni minni. Ótrúlegt hvað er alltaf gott að koma heim, jafnvel þó að það séu bara tvær vikur síðan ég var þar síðast. Þetta var ekkert smá skemmtileg helgi; Sara kom í heimsókn frá Danmörku og við og Unnur áttum skemmtilegar kjaftastundir saman. Svo var tekið á því á laugardaginn, djammað semsagt, og það var stuð. Hér á Akureyri voru Paparnir að spila, og ég held að mér sé bara ekki ætlað að fara á þá, ég er aldrei á svæðinu þegar þeir eru hér!!
En núna þarf ég bara að fara að koma mér í rútínuna aftur; vakna snemma, skóli, læra, elda, versla, æfa..... :) Þangað til næst....

This page is powered by Blogger. Isn't yours?