JaNei <$BlogRSDUrl$>

miðvikudagur, desember 31, 2003

Óska ykkur öllum gleðilegs nýárs !!

Fór í World Class í morgun, rosa gott að komast aðeins og hreyfa sig og losa sig við smá jólamat!! Greinilega fleiri sammála mér því að staðurinn var fullur af fólki! Það verður svo fróðlegt að sjá hvernig þetta verður hjá þeim niðri í Laugardal!!

Guuuuð, hvað ég er fegin að vera búin að fara í ríkið; það voru 10 manns í röð fyrir UTAN ríkið uppí Spöng!! Af hverju er fólk ekki búið að þessu???

mánudagur, desember 29, 2003

Þetta er nú búinn að vera meiri dagurinn; ég var búin að redda mér bíl svo ég gæti farið að snúast eftir vinnu en svo bara snjóar og snjóar og snjóar og allt hálfófært í allan dag! Börnin í vinnunni komast ekki einu sinni öll á Lyngás vegna ófærðar. Og við vorum farin að sjá fram á það að vera bara föst í vinnunni langt fram á kvöld því að rúturnar komust ekki inn á bílaplanið...... !!! Svo reddaðist það nú og öll börn komust heim, og þá var eftir að koma okkur starfsfólkinu út og það tók sinn tíma; allir út að moka, skafa og ýta.... ég komst ekki einu sinni inn í bílinn minn út af snjó!! Jæja, þetta hafðist nú allt, en ég held að ég verði að fara seinna í Smáralindina og World Class, nenni ekki að fara í eitthvað sveitarferðalag í þessari færð!!! Jólagjafaskipti og æfingar verða bara að bíða betri tíma!

Jahá, það getur greinilega snjóað á fleiri stöðum en á Akureyri.....

sunnudagur, desember 28, 2003

Jæja, þá eru jólin eiginlega búin, ekkert smá sorglegt hvað tíminn líður hratt. En ég er búin að hafa það rosalega gott, fá fullt af fínum pökkum, borða góðan mat, lesa Bettý og sofa mikið..... ég elska jólin:) Fór að djamma í gær, byrjaði á afmæli hjá Jóni á Glaumbar sem var voða gaman og fór síðan í 4-R bekkjarpartý hjá Sellu. Það var frábært, endalaust gaman að hitta bekkjarfélagana úr MS aftur. Þar var mikið dansað, spjallað og drukkið áður en við héldum í bæinn!! Við stefnum á að hittast sem fyrst aftur, er þaggi?? ;)

This page is powered by Blogger. Isn't yours?