JaNei <$BlogRSDUrl$>

laugardagur, september 13, 2003

Asskoti er ég búin að vera dugleg um helgina; búin að þurrka af inni hjá mér. sópa og skúra og þvo fjórar þvottavélar!! Plús það að læra í mestallan dag og synda heilan helling! Þvílíkur dugnaður!! Var partý hér á Útsteini í kvöld, en ég var lítið með, var bara ekki í stuði. Hafði það svo bara kósý með dvd og nammi. Horfði á MR DEEDS, ágætisafþreying!! En ælta að fara að sofa....

fimmtudagur, september 11, 2003

Maður á aldrei að hrósa veðrinu....nú er audvitað farið að rigna hér:/
Jæja, það er annað hvort allt eða ekkert, nú birtist það sem ég skrifaði á miðvikudaginn tvisvar:( Ég og tölvur vinnum ekkert alltof vel saman...... !!!!

Skil´etta ekki, bloggaði í gær en það er alveg eins og það hafi ekki komið inná síðuna:( Þetta er nú eitthvað skrýtið, en sjáum til hvort þetta vill fara....
Var á fundi með heilbrigðisdeildinni í gær (hjúkkum og iðjuþjálfum) og ætlaði nú svosum ekkert að gera þar nema sína mig og sjá aðra og sníkja fría pizzu, en endaði á því að láta plata mig í íþrótta-og skemmtinefnd (ásamt einum öðrum)! Á þá víst að sjá um eitthvað iþróttamót og árshátíðina, veit ekki hve mikil vinna er í þessu, en ég fæ allavega frítt inná árshátíðina:) Vona að þetta taki ekki of mikinn tíma, en ég get þá allavega kennt þessu um ef mér gengur illa í prófunum!!! En best að fara að læra....

miðvikudagur, september 10, 2003

Er alltaf svona gott veður á Akureyri?? Þetta er alveg ótrúlegt, búið að vera þvílík blíða síðan ég kom. Maður þarf varla jakka:) Synd að þurfa að sitja allan daginn inni að læra í svona veðri!!
Fór í göngutúr í gær, svona til að reyna að læra aðeins á bæinn, og labbaði uppað Glerárkirkju. Og þar er nú eitt skrítnasta umhverfi kirkju sem ég hef séð, grindverk utan um alla kirkjuna og fullt af leiktækjum þar fyrir innan, á lóð kirkjunnar. Er þetta ekki örugglega kirkja eða er ég eitthvað að misskilja?? Eða kannski eru börn Akureyringa bara send út að leika sér meðan mamma og pabbi fara í messu, það er náttla voða sniðugt:)

Var í heimspeki í dag. Þessir tímar fá mann sko til að hugsa. Var að læra um hinar og þessar kenningar. Ég trúi því ekki að það sé til fólk sem fer eftir svona kenningum í einu og öllu. Ég meina, verður maður ekki að meta vandamálin og stöðuna hverju sinni, ekki bara horfa á einhverja kenningu???!! Ég bara spyr. Skapast alltaf voða mikil umræða í þessum tímum, sem er bara gaman, og ekki spillir fyrir að við skiptumst á að koma með köku í tímana til að gæða okkur á áður en við hellum okkur í umræðurnar!!!!
Svo í kvöld er kynning á félagslífi vetrarins hjá heilbrigðisdeildinni (hjúkkum og iðjuþjálfum), verður gaman að sjá hvort það verður eitthvað annað í boði í vetur en bara nám. Svo verða fríar pizzur:) Svo maður sleppur við að elda kvöldmat í kvöld:):)

sunnudagur, september 07, 2003

Helgin víst búin og heil skólavika framundan. Ég er nú reyndar bara 3 daga í skólanum, mánud., miðvikud og föstudag, en þarf nú að nýta hina dagana til að læra!! Skrapp út á lífið í gær, fyrst smá iðjuþjálfa-partý hjá Hrafnhildi og svo haldið í byen. Byrjuðum á Kaffi Akureyri, fín stemming þar, soldið gamalt fólk en það kom ekkert í veg fyrir að við gátum dansað og skemmt okkur! Svo enduðum við á Sjallanum, þar sem sjálf Stjórnin var að spila:) Þetta var uppáhaldshljómsveitin mín þegar ég var lítil en samt hef ég aldrei farið á ball með þeim svo það var nú kominn tími til!! Feikna fjör þar!
Og svo kemur hún Eva mín heim í dag frá Spáni en þar er hún búin að vera í 2 vikur að stúdera spænsku. Gott að fá hana heim, þó svo að við séum nú ekki beint mjög nálægt hvor annarri þar sem hún er að fara austur! Aber bienvendios a Islandia!!!
Verið svo dugleg að skrifa í gestabókina og ekki vera hrædd að kommenta á textann minn í "shout out-inu" :)

This page is powered by Blogger. Isn't yours?