JaNei <$BlogRSDUrl$>

þriðjudagur, júní 27, 2006

BLOGG...AFTUR!
Úff, þvílíkur bloggdugnaður, það mætti bara halda að mér leiddist!! En það er ekki svo slæmt, er bara á hótel mömmu að bíða eftir mömmumat og ákvað að nýta tímann.

Sumarið ákvað loks að kíkja við á laugardaginn og var dagurinn nýttur til útiveru. Fyrst var rölt um Fossvoginn, svo spókaði mín sig í sundi og loks farið í grillveislu hjá henni Báru minni sem var að útskrifast. Kvöldið endaði svo í partýi á Laugarveginum og einhverju bæjarrölti.

Annars erum við fiskarnir búin að vera ein heima síðan á laugardaginn þar sem húsbóndinn skrapp til Svissaralands. Búið að vera nokkuð tómlegt þótt fiskarnir hafi gert sitt besta til að halda mér félagsskap. En von er á drengnum í kvöld, svo nokkur spenna ríkir í Breiðholtinu.

Hvað á svo að gera um helgina? Jú, það er fyrsta helgin í júlí svo allir eiga að fara í útilegu. Stefnan hjá mér er Þórsmörk. Óska eftir áframhaldandi sumri!!

föstudagur, júní 23, 2006

Blogg...
Já maður hefur nú ekki verið duglegur að tjá sig hér undanfarið. Aðalástæðurnar eru tvær: mikið að gera og netleysi. En nú er aðeins farið að róast hér á bæ og netið komið lag!! Svo hér koma nokkur orð.Undanfarna tíu daga hefur verið fjölmennt í Breiðholtinu þar sem vinkona mín frá Svíþjóð var í heimsókn. Mikið er búið að túristast; t.d. farið á Árbæjarsafnið, upp í Hallgrímskirkjuturn, í helstu sundlaugar bæjarins, labbað Laugarveginn (the shooping street) og skroppið í Bláa Lónið. Svo á meðan húsráðendur voru að vinna var Svíinn sendur í Kringluna, að skoða Perluna, á Gullfoss og Geysi og í Þórsmörk. Síðasta helgi toppaði svo allt en þá var farið í jeppaferð upp á hálendið.Það var semsagt ákveðið að fara í útilegu þrátt fyrir grenjandi rigningu og miður góða spá. Farið var á tveim bílum og voru sjö manns með í för. Fyrst var haldið upp í Tjaldafell og gist þar í frábærum skála með gufu og alles! Á sjálfan þjóðhátíðardaginn var svo haldið norður Kjöl, komið við í Kjellingafjöllum og endað á Hveravöllum þar sem aftur var gist í skála. Má því segja að útilegan hafi breyst í innilegu. Að sjálfsögðu var íslenski þjóðfáninn blakandi allan tímann þann 17.!! Á Hveravöllum var baðað sig í heitri lauginni í góða sex tíma, bjór drukkinn, kjöt grillað og útlendingunum kenndir íslenskir söngvar!! Frábær ferð í alla staði, þrátt fyrir smá hræðslu í Svíanum þegar jeppinn fór sem hraðast yfir læki og hóla! Nánar má lesa um ferðina hér og skoða myndir hér.

Annars vona ég bara sumarið sé komið núna, maður er kominn með frekar nóg af rigningu og co! Heyrumst

P.S. Takk fyrir allar afmæliskveðjurnar á afmælinu mínu, ég er ekki frá því að það sé soldið gaman að eiga afmæli!!

mánudagur, júní 05, 2006

Júní
Þá er júní kominn og þá má nú segja að sumarið sé komið, ekki satt? Ég byrjaði þetta sumar á því að fara í útilegu og sé sko ekki eftir því. Lagt var í hann á föstudagskveldi með vægast sagt fullan bíl og var haldið í austur átt. Fyrsta stopp var á Selfossi en þar var hungrið seðjað á KFC. Því næst var brunað í Skaftafell, tjaldinu hent upp og farið að sofa. Sólin vakti okkur snemma á laugardaginn en veðrið úti var geggjað. Ákveðið var að nýta blíðuna og hjóla til ömmu en það eru góðir 25 km. Ferðin gekk vel en mikið asskoti keyra bílarnir hratt. Ég meina, hámarkshraðinn er 90 km og við fórum ekkert yfir það.... :) Hjólatúrinn tók u.þ.b. 2 klst og vorum við ansi rauð og sælleg þegar við komum á Mýrina og ekki var slæmt að detta beint í kaffi og kökur!!!
Við fengum svo far til baka í Skaftafell, skruppum í sund og svo var bara grill og bjór og göngutúr og gleði.

Ekki leiðinlegt að byrja sumarið á góðri útilegu og vonandi verða þær fleiri í sumar.

Annars er það helst í fréttum að Steinunn mín og Kalli hennar eignuðust lítill prinz fyrir rúmri viku og óska ég þeim innilega til hamingju. Maður fær kannski eitthvað að passa litla kút næsta vetur svo þau hjónakorn geti skroppið út á djammið.

Aðrar helstu fréttir eru að hún móðir mín á afmæli á morgun, verður 25 held ég..eða lítur allavega út fyrir það !! Og litli bróðir minn er að útskrifast úr Langholtsskóla á morgun og óska ég þeim báðum til hamingju með daginn.

Svo vildi ég líka benda á það að mér finnst að allar helgar eigi að vera 3 dagar!!!

laugardagur, maí 27, 2006

Það sem ber helst í fréttum er:
- allar einkunnir komnar í hús og staðfestist það hér með að þriðja árinu í iðjuþjálfun sé lokið. Klapp klapp!! Eftir eitt ár verð ég semsagt vonandi orðinn fullgildur iðjuþjálfi.
- nú er ég "officially" flutt í Breiðholtið. Það tel ég mikið afrek þar sem að lögheimili mitt hefur aldrei farið úr 104.
- ég ligg lasin heima og það gerist ekki oft. Ég er nú búin að vera með hálsbóglu og kvef í 6 daga og liggja heima í 3 daga, og ég er að verða vitlaus. Krefst bata sem fyrst.
- ég er ekki búin að kjósa. Aðallega vegna veikinda minna. En líka því ég veit ekki alveg hvað ég á að kjósa. Hef samt enn 4 og hálfan tíma, reyni að drulla mér af stað og setja X á einhvern gáfulegan stað.
- ég fékk digital myndavél í fyrirfram afmælisgjöf um daginn og ég er búin að framkalla tvisvar sinnum. Geri aðrir betur!! Hér á bæ verða myndirnar sko ekki skoðaðar í tölvunni!!

Farin að láta mér batna

þriðjudagur, maí 23, 2006

Sumarfrí!!
Já, það er sko komið sumarfrí þó svo að úti sé vetrarveður. Hvað er málið með þennan kulda í maímánuði? Svo var sól og tuttugu stiga hiti meðan á prófunum stóð, engin sanngirni í þessu. En prófin eru allavega búin og stúlkan að sjálfsögðu komin til Borgarinnar. Það var þó ekki stoppað lengi þar því eftir smá stúss og hreingerningar í Breiðholtinu var haldið til Svíþjóðar. Þar var sko slappað af og helstu búðir landsins tæmdar, eða svo gott sem. Að venju var gaman að hitta alla og litla skottan mín dafnar vel, orðin tveggja mánaða og heilar 10 merkur. Ekki er heldur leiðinlegt að segja frá því að undirrituð er búin að eignast nöfnu, en litla prinsessan heitir Lína Oddný María!
Eftir fimm daga í Svíþjóð var haldið til Köbenhavn þar sem fleiri búðir voru tæmdar og bjórinn teygaður með Sollu og Ragnheiði.

Það er alltaf gott að koma heim og það var það líka í þetta skiptið þrátt fyrir skítakuldann sem tók á móti manni. Nú er mín svo farin að vinna og líst bara vel á. Og svo er bara beðið og vonað að sumarið fari að koma með sól og hita.

Sumarkveðja

mánudagur, maí 08, 2006

Útlönd hvað?
Danir og Svíar hafa að undanförnu látið mann óspart vita að hjá þeim sé sól og hiti og þeir sitji úti á hlýrabol og sóli sig. Um helgina þurftu Akureyringar ekki að fara lengra en út á pall til þess að fá slatta af sól og hita. Veðrið hérna er semsagt búið að vera æðislegt en við, aumingja skólafólkið, sitjum bara inn og lesum. Matarpásur og kaffitímar voru samt nýttir til að fá smá súrefni og ég er ekki frá því að maður hafi fengið smá bolafar.

En talandi um Svía og Dani þá ætla ég að fara til Svíþjóðar og Danmerkur á næstunni. Flogið verður til Kaupmannahafnar sunnudaginn 14. maí og þá haldið beint til Svíþjóðar þar sem heilsað verður upp á frábær skyldmenni. Ætlunin er að kynnast nýjasta fjölskyldumeðlimnum, hitta aðra meðlimi, slappa af, njóta lífsins og kannski versla smá. Svo er stefnan tekin á Kóngsins Köben föstudaginn 19. til að hitta tvær frábærar bekkjarsystur úr MS, það verður örugglega ekki leiðinlegt. Heimferð er svo áætluð 20. maí, svo maður missi ekki af Eurovision!!

Skólamál; þrjú próf búin og eitt eftir. Einnig er búið að mestu að taka til, þrífa og pakka niður svo hægt verði að bruna í bæinn strax að loknu prófi á miðvikudaginn.

TVEIR DAGAR...

föstudagur, maí 05, 2006

Próf!
Jæja, þá eru þessi yndislegu próf byrjuð, reyndar eru þau hálfnuð, tvö búin og tvö eftir. Á miðvikudag er síðasta prófið og þá er stefnan sett á REYKJAVÍK- ekki seinna vænna! Þetta segir mér þá að ég eigi eftir fimm nætur hér á Akureyri og þ.a.l. fimm nætur á Stúdentagörðunum sem ég kveð ekki með miklum söknuði.

Ég er sem sagt komin með svolítið ógeð á að búa í herberginu mínu og hlakka mikið til að komast í íbúðina í Breiðholtinu aftur. Nei, ég er ekki búin með skólann, það er ekki alveg svo gott (eða slæmt, eftir því hvernig er á það litið). Ég byrja meira að segja mjög snemma í skólanum í haust (á mínu fjórða og síðasta ári) og fer þá í verknám í REYKJAVÍK!! Og svo, um miðjan október neyðist ég til að fara norður um heiðar aftur og fara í nokkrar vikur í skólann. Og þar sem Kleina og co voru svo indæl að kaupa sér nýtt hús svo ég gæti búið með þeim þarf ég ekki að búa á Stúdentagörðunum heldur fæ ég að vera í bílskúrnum!!

Gangi ykkur öllum vel í prófunum!

þriðjudagur, apríl 25, 2006

Sumar.. vetur
Í morgun þegar ég fór í skólann var vor, en seinnipartinn þegar ég var á heimleið var snjókoma, ætlar sumarið aldrei að koma? Ég bara spyr.....

En ég get þó huggað mig við það að eftir tæpar þrjár vikur verð ég í Svíþjóð. Vonandi fæ ég eitthvað annað en rigningu þar!!

mánudagur, apríl 17, 2006

Lítil frænka
Föstudaginn 14. apríl eignaðist ég litla frænku og það er í annað skiptið á tveimur mánuðum sem ég verð stóra frækna :)
Stúlkan er dóttir Hauks frænda og Hörpu og er ekkert smá sæt- tékk her át!!

Annars er ég búin að hafa það fínt í páskafríinu! Skrapp í bústað um síðustu helgi og hafði það súpergott; borðaði góðan mat, svamlaði í pottinum, sötraði bjór og fór í bíltúr á Geysi!! Svo var lært aðeins áður en haldið var út á land aftur og í þetta skiptið í sveitina til ömmu. Alltaf gott að koma þangað og láta dekra svolítið við sig. Ekki spillti fyrir að veðrið var magnað og var því miklum tíma eytt úti. Áður en haldið var heim var komið við í fermingarveislu þar sem boðið var upp á kræsingar af bestu gerð :)

En jæja, farin út í góða veðrið...

fimmtudagur, mars 30, 2006

Update
Jæja, ætti maður kannski að tjá sig eitthvað svo sumir hafi eitthvað að gera. Eins og Akureyringar tóku örugglega eftir komu hingað nokkrir vel valdir einstaklingar fyrir 2 vikum. Stúlkan kítki aðeins á djammið með þeim (samt ekki eins mikið og upphaflega stóð til), spókaði sig um í miðbæ Agureyrish í 14 stiga hita og renndi sér tvær ferðir í Hlíðarfjallinu í sama hita- mæli ekki með því, maður á engin vatnaskíði!!

Um síðustu helgi var svo brunað suður. Og Reykjavík bregst ekki. Fór í mömmumat, hélt matarboð, datt í barnaafmæli, hafði það kósý með kallinum og spilaði badminton. Já stúlkan hélt í TBR húsið og spilaði badminton við margfaldan Íslandsmeistarann!! Og þetta var svo gaman. Var búin að gleyma hvað badminton er skemmtileg íþrótt. Alveg spurning um að taka spaðann upp aftur þegar maður flytur suður.

Talandi um badminton, þá er Íslandsmótið um helgina, og ég kemst ekki. Nei, því ég er á Akueyri, en mótið er auðvitað í Reykjavík. Helv svekkjandi. Að vísu er þetta sýnt í sjónvarpinu (sunnudag klukkan tvö) en þá er stúlkan að þjálfa (badminton by the way)!! Þetta líf er bara ekkert fair!

Og ef við tölum aðeins meira um badmiton þá er stúlkan alltaf að þjálfa, eða svona þegar hún er á staðnum, og kann hún mjög vel við þetta. Spurning að hætta í iðjuþjálfun og leggja þetta fyrir sig...

Annars er það bara að frétta að ég geri lítið annað en að vinna í verkefnum þessa dagana. Held að ég eigi að skila fimm stórum verkefnum fyrir próf, þannig að páskafríið endar sennilega í lærdómi.

Og svo er auðvitað allt á kafi í snjó hér, samt hætt að snjóa í bili sem er ágætt.

Jæja, nú eruð þið búin að fá blogg, getið tjáð ykkur þá !!

fimmtudagur, mars 16, 2006

Læra hvað?
Já, maður á víst að vera læra. En hvenær er betri tími til að blogga en akkurat þegar maður á að vera að læra. Reykjavíkurdvölin var mjög ánægjuleg. Samt greinilega allt of langt síðan ég var þar síðast vegna þess að ég er ekki frá því að ég hafi fundið hitaveitulykt af vatninu þegar ég fór í sturtu!! Einnig gekk mér mjög erfiðlega að rata á PRIKIÐ þegar ég lagði leið mína þangað. Ekki gott.

Annars var þetta mjög skemmtilegt. Fór í frábært 4-R partý á föstudaginn. Alltaf gaman að hitta MS-liðið!! Svo dúlluðum við Brósi okkur saman; fórum í bæinn, kíktum á kaffihús, út að borða, keyptum ís, spiluðum badminton og fleira og fleira. Alltaf gaman hjá okkur systkinunum!! Og ekki var leiðinlegt að fá Foreldrana heim en í einni töskunni leyndist H&M poki, fullur af nærfötum og sokkum- æði gæði!!

Nú komin norður aftur og hef lítið gert nema læra og þjálfa. Í dag er svo von á nokkrum vitleysingum að sunnan og er víst stefnan hjá þeim að mála Agureyrish rauðan um helgina!!

Já, talandi um helgi, ég er komin í helgafrí, í gær meira að segja.. ljúft að vera í skóla!!

Góða helgi!!

þriðjudagur, mars 14, 2006

STÓRA FRÆNKA
Ég eignaðist litla frænku í nótt. Já, hún var frekar lítil, bara 1200 g, enda átti hún ekki að koma í heiminn fyrr en í júní. Þessi unga stúlka fæddist í Svíþjóð og heilast henni bara mjög vel !! Spurning að fara að panta sér ferð til Sverige eftir prófin!!
Meira seinna...

miðvikudagur, mars 08, 2006

Reykjavík og þjálfun
Eftir akkurat sólarhring verður daman væntanlega í flugvél á leið til Reykjavíkur. Ekki seinna vænna að halda suður á bóginn enda hefur stúlkan verið hér í heilar tvær vikur og ekki hitt Breiðholtsbúann jafn lengi. Það er því mikil tilhlökkun í gangi og ekki síst fyrir að hitta nýju fjölskyldumeðlimina; Herra Krabba, Fröken Rækjur og los fiskos!!

Annars stökk stúlkan út í djúpu laugina í gær og fór að þjálfa badminton. Hún hefur aldrei áður komið nálægt þjálfun og ekki spilað badminton í fjölda ára en þetta tókst samt nokkuð vel, ég hitti allavega kúluna!! U.þ.b 15 krakkar á aldrinum 11-17 ára og 5 badmintonvellir. Það fór samt ansi mikil orka í að skipuleggja þetta allt saman og láta alla gera eitthvað við sitt hæfi. Þetta virtist alltaf vera svo auðvelt hjá þjálfurunum mínum í TBR hér í gamla daga. Kannski höfum við bara verið svona þægilegir spilarar, já ég held það!!

Bless í bili

þriðjudagur, mars 07, 2006

Árshátíð
Þá er árshátíðarhelgin búin og þá getur maður hætt að hafa áhyggjur af fínum nöglum, brúnkukremi og plokkuðum augabrúnum! Þetta var hin fínasta árshátíð, góð mæting úr bekknum og svakaleg stemming.

Dagskráin hófst um fimmleytið en þá var partý og fordrykkur. Þaðan var svo haldið á Sjallann þar sem var boðið upp á freyðvín og myndatöku. Seint og um síðir var maturinn borinn á borð; laxaþrenna í forrétt, lambakjöt og kjúklingur í aðalrétt og ískúla í eftirrétt. Fínn matur. Einhver skemmtiatriði voru líka í boðinu og hélt Þorsteinn nokkur Guðmundsson uppi fjörinu sem skemmtistjóri. Helvíti góð skemmtun bara, sérsaklega þar sem ég sat á svo skemmtilegu borði!! Næst á dagskrá var annað partý og svo ball með "Í svörtum fötum" og var dansað eitthvað fram eftir nóttu!!

Sunnudagur: mikið sofið, engin þynnka og mín bara hress !!!

fimmtudagur, mars 02, 2006

Til hamingju Ragny...
...með að þú fæddist í dag...(fyrir nokkrum árum) !! Og velkomin til landsins! Já Danadrottningin á afmæli í dag, orðin árinu eldri en ég og verður það í rúma 3 mánuði í viðbót!!

Hér er búið að snjóa og snjóa og snjóa og snjóa og allt orðið frekar hvítt og jú fallegt. Og ég sem er nýbúin að kaupa mér tvenn pör af sumarskóm, hvers konar réttlæti er þetta eiginlega!!

þriðjudagur, febrúar 28, 2006

Veður
Þetta veður virðist ekkert ætla að ákveða sig. Um helgina hélt maður að það væri komið vor; sól og blíða og nokkuð heitt en nú er bara kominn skítakuldi, stundum smá snjókoma og jafnvel þörf á að skafa bílinn á morgnana. Ég verð nú að segja að ég tæki alveg á móti vorinu núna, jafnvel sumrinu. En það eru víst sumir sem vilja komast á skíði hér norðan heiða svo það má kannski sætta sig við vetur þangað til 20. mars eða svo.

Bolludagur var í gær. Keypti mér eina bollu í tilefni dagsins. Hefði alveg verið til í (mömmu) kjötbollur í kvöldmat, jafnvel fiskibollur, en fékk mér grjónagraut. Annars hugsa ég til bolludagsins 2003 með bros á vör þegar ég var stödd á afskekktri eyju í Karabískahafinu og Engill nokkur hljóp um eyjuna og rassskellti alla útlendingana!! Það var skondin sjón! Einnig skemmtum við okkur vel við að þýða "bolludag" og "sprengidag" yfir á enskt mál. Sprengidagurinn hljómaði einkar vel í okkar þýðingu!!

En já, það er víst sprengidagur í dag. Held ég sleppi saltkjötinu, svona eins og alltaf. Læt mér duga kjúkling!

BÆÓ

sunnudagur, febrúar 26, 2006

Sauðnaut og vúduman
Helgin búin og var bara hin fínasta. Föstudagskvöldið fór í matarboð, idol og pottinn hjá Kleinunni og var það hin fínasta skemmtun! Laugardagskvöldinu eyddi ég einnig í sundlaugagræna húsinu og þá með aðeins fleira fólki en heimilsfólkinu. Boðið var upp á dýrindis máltíð sem samanstóð (minnir mig) af:
Ég hef aldrei áður smakkað naut sem kennt er við sauð en það sveik sko ekki. Þessi máltíð var alveg mega, fær 10 í einkunn. Takk fyrir mig! Með matnum var drukkið rauðvín og svo smá bjór og svo haldið í bæinn. Fyrst var kíkt á nokkra af heitustu skemmtistöðum Akureyrar en þeir voru ekki alveg að gera sig. Þá ætlaði daman nú bara heim en einhverra hluta vegna datt hún inn á Sjallann þar sem Todmobile voru að spila, hvorki meira né minna. Þeir héldu um 2ja tíma tónleika og voru þeir alveg magnaðir. Synd hvað fáir voru á staðnum, en þá var bara meira pláss fyrir okkur hin!!

Í dag var sama sólin og blíðan og var í gær og var ég dregin í Leirböðin í Mývatnssveit!! Það var rosa flott og gaman að koma þangað. Ég mæli eindregið með baði þarna ef þið eruð skítug!!

ADIOS

fimmtudagur, febrúar 23, 2006

Partýið búið!!
Jæja, þá er Reykjavíkurgleðin búin í bili. Var í borginni í tvær vikur með tveggja daga innliti til Akureyris og ég verð bara að segja að ég kann nokkuð vel við svona skiptingu! Gæti alveg fílað mig á Akureyri ef ég þyrfti bara að vera þar tvo daga aðra hverja viku!!! Er annars að hugsa um að vera hér næstu tvær vikurnar en þá er víst þörf á dömunni í Borginni!

En það var annars mjög fínt í Breiðholtinu (as usual!). Fór í heimsóknir og matarboð og fékk heimsóknir og hélt matarboð! Húsbóndinn skrapp svo í vinnuferð á föstudaginn og ætlaði daman þá aldeilis að sletta úr klaufunum, en þá nennti bara enginn að djamma með henni. Slæmt ástand! En þá hélt stúlkan bara matarboð og hafði það kósý heima! Svo var skroppið á djammið á laugardag. Partý, Silvia nótt og bærinn!!

Og á sunnudaginn var farið í Dýraríkið og keypt fiskabúr. Og er búin að vera endalaus gleði á heimilinu síðan þrátt fyrir fiskaleysið. Fyrst þurfti að safna steinum og þrífa steina og koma steinum fyrir í búrinu. En nú er þetta orðið rosa flott svo loks getum við farið að kaupa fiska :)

En kannski maður ætti að læra...

Klukk
úff, það er bara svaka pressa á mann...

4 störf sem ég hef unnið:
-Kirkjugarðar Reykjavíkurprófastdæmis, aka KGRP
-Lyngás
-Kynnisferðir
-Landakot

4 staðir sem ég hef búið á:
-Reykjavík
-Svíþjóð
-Hondúras
-Akureyri

4 sjónvarpsþættir sem mér líkar:
-Desperate Houswifes
-Friends
-ER
-Lost

4 staðir sem ég hef heimsótt í fríi:
-Tanzania
-Mið-Ameríka
-Nokkur lönd í Evrópu
-Margir staðir á Íslandi


4 STAÐIR SEM ÉG MYNDI FREKAR VILJA VERA Á ÞESSA STUNDINA:
-Reykjavík
-Reykjavík
-Reykjavík
-Eða jafnvel á flakki út í heimi


4 SÍÐUR Á NETINU SEM ÉG HEIMSÆKI DAGLEGA:
-mbl.is
-unak.is
-janei
-bloggrúnturinn

4 UPPÁHALDS MATUR:
-jólamatur mömmu
-lasagna
-grillmatur
-ís

Æi, held þetta sé nóg.
Hugsa um að klukka Gullið mitt og Frænda!!

þriðjudagur, febrúar 14, 2006

Fram og tilbaka!
Jæja, þá er stúlkan komin norður eftir helgardvöl í Reykjavíkinni. Þetta var fínasta heimsókn eins og alltaf og var stúlkan ekkert á því að koma norður aftur! Á fimmtudaginn hittumst við badmintongærurnar í saumaklúbb og var mikið spjallað og enn meira borðað, alveg spurning um að breyta þessum saumaklúbb í átklúbb!! Á föstudaginn var svo farið í heimsókn og á kaffihús og svo endað í þvílíkri veislu á Hótel Mömmu; þriggja rétta máltíð í boðinu. Ég hélt bara að ég væri lent á Grillinu, svo glæsilegt var þetta- takk fyrir mig !!!


Og já svo þurfti að keyra aftur norður í gær! Einhverra hluta vegna er aldrei jafn mikið stuð í bílferðunum á leið norður, miklu meira fjör á suðurleið!! Skil þetta ekki. En ég er að spá í að stoppa stutt hér í þetta skiptið og fara heim aftur á morgun, það er ef veðurguðirnir leyfa !!

Over and out

mánudagur, febrúar 06, 2006

Hmmm
Jæja, kotið orðið tómlegt aftur eftir hreint frábæra helgi. Hún hefði náttúrulega ekki getað verið neitt annað en skemmtileg þegar maður fékk svona frábæra gesti!! Já, það var mikið stuð um helgina; kjaftað fram á rauða nótt, verslað, dvd-gláp, Brynjuís, Greifapizza, Eurovision, djamm og síðast en ekki síst leikhúsferð. Við fórum semsagt að sjá Fullkomið Brúðkaup og þetta er alveg magnað show. Langt síðan að ég hef hlegið jafn mikið. Þið bara verðið að koma hingað og sjá þetta!!

Annað próf í dag. Það þriðja á þrem vikum. Finnst þetta ekki gaman. Og maður étur allt of mikið nammi!!

Nú er stúlkan búin að vera hér 3 helgar í röð og finnst henni því kominn tími til að halda suður. Stefnan er að fara á fimmtudaginn, vonandi keyrandi ef færð leyfir og ætlar stúlkan að vera í Reykjavíkinni næstu tvær helgar (mun hún samt skreppa aðeins norður á milli í skólann!!!). Já, það má segja að það sé mikið flakk á manni!

Jæja, desperate houswifes bíða!!!

mánudagur, janúar 30, 2006

Vængbrotin...
.... en á bíl!!
Eins og það er nú frábært að fá gesti þá er jafn tómlegt þegar þeir fara! Miklu skemmtilegra þegar maður er ekki einn í kotinu! Danadrottning kíkti í heimsókn á föstudag og var alveg frábært að sjá hana. Ekki slæmt að fá gesti allaleið frá Odense í heimsókn- geri aðrir betur!! Aðeins seinna um kvöldið birtist svo Breiðhyltingur nokkur og var einnig mikil gleði að sjá hann!!

Það var nokkuð mikið stússast um helgina; Brynjuís, út að borða, kaffihús, horft á leikinn og bíltúr á Húsavík! Góð helgi!! Og drengurinn vildi greinilega ekkert fara frá mér og flaug ekki fyrr en á miðnæti í gær (en sumir vilja þó kenna vondu veðri um það).

Í dag var próf og fyrirlestur á morgun og svo verður bara farið í það að telja dagna í næstu helgi, en þá er von á enn fleiri gestum. Bara gaman að því!!

Nú er daman semsagt komin á bíl og nýtur þess að keyra í skólann, á æfingu og hvert sem hún þarf að fara!! Alger lúxus

Annars er það helsta að frétta af Eyrinni að það er farið að birta fyrr á daginn og ekki farið að dimma fyrr en svona hálf sex-já ég held svei mér þá að vorið sé handan við hornið, eða vona það allavega!!

föstudagur, janúar 27, 2006

Tími á blogg!
Já það er heilmikið búið að gerast, ég hef bara ekki nennt að blogga! Það var svaka kósý hjá okkur í bústaðnum um síðustu helgi; magnað veður, góð súkkulaðikaka, grill, baukadrykkja, pottur og kjaftagangur!!

Á laugardeginum var maður svo drifinn á fætur og "rekinn" í bæinn! En það var ástæða fyrir því: vélsleðaferð!! Kleina og Kallinn voru svo elskuleg að bjóða mér á vélsleða og var það alveg magnað. Förinni var heitið að Grenivík og þaðan upp á Kaldbak. Þetta leit nú ekkert of vel út í byrjun; lítill snjór, sleðinn festist og ólétta konan látin ganga upp hálft fjallið. En allt hafðist þetta og þegar upp var komið hófst stuðið. Ég var nú reyndar hálfhrædd við þetta og lét mér nægja að sitja aftan á og þar hélt ég mér svo fast að ég var með harðsperrur í höndunum á sunnudaginn!!

Sunnudagurinn fór svo í lærdóm. Hverjum dettur í hug að hafa próf á mánudegi í janúar? Jú kennurum H.A.! Svo það var bara farið og keypt sér fullt af nammi (það má í prófum) og reynt að læra eitthvað!

Vikan hefur svo að mestu farið í skóla og verkefnagerð. Reyndar líka matarboð og mosaik-gerð. Maður verður nú aðeins að lyfta sér upp! Og auðvitað var horft á landsleikinn, það má ekki klikka. Styttist í næsta leik!

Svo er bara gleði framundan þar sem von er á tveim frábærum gestum

GÓÐA HELGI!

mánudagur, janúar 23, 2006

Jahá....
Þá vitið þið það, megið var pirruð, fúl, leið, reið og allt það í dag !!! En bara í dag :)

föstudagur, janúar 20, 2006

Bara fyrir þig mamma mín!
Fyrir viku síðan var ég stödd á Akureyrarflugvelli og beið róleg eftir fluginu mínu. Að vísu var ég svolítið sein (sökum skólans) og var ég næstum búin að missa af vélinni en var svo "heppin" að vélinni seinkaði um 35 mínútur svo ég gæti náð henni! Flugið var hræðilegt, mikil ókyrrð og læti og held ég því hér með fram að innanlandsflugið verði verra og verra með hverju skiptinu sem ég fer! En þetta hafðist og ég lenti loks eftir 55 mínútna flug, já 55 mínútur.

Þá tók við keyrsla um allan bæ; Krónan, HR, THÍ, IKEA, Ríkið, Húsasmiðjan og svo framvegis áður en haldið var í Breiðholtið að þrífa og baka! Mikið að gera hjá stórri fjölskyldu skiljiði!! Á laugardeginum var svo útskrifað og stóðst drengurinn prófið með stæl! TIL HAMINGJU MEÐ ÞAÐ :) Svo voru haldnar tvær veislur, kökuboð og partý og er það mál manna að vel hafi tekist til!! Þetta hefði nú samt aldrei tekist ef ég hefði ekki haft hana móður mína á línunni og tengdó til að baka!!

Á mánudaginn var haldið aftur norður. Tók stúlkan rútu upp í Borgarnes og er hún bara á því að þetta sé hinn ágætasti ferðamáti (allavega svona stutta leið!). Í nesinu fékk hún svo far með einkabíl!

Svo er það bara skóli skóli og skóli. Við eigum að skila "nokkrum" verkefnum á þessri önn, eða um 21 og svo eru nokkur tímapróf og auðvitað fyrirlestrar. Held það verði nóg að gera á næstunni. En til að þjappa okkur saman og safna orku fyrir veturinn ætlum við bekkurinn að halda út á land (erum við ekki þar??!!) og dvelja eina nótt í sumarbústað. Má búast við miklu fjöri þar á bæ!!

CHIO...

fimmtudagur, janúar 12, 2006

Vikan og helgin!
Jæja, fyrsta skólavikan að klárast og helgin nálgast. Skólin hefur farið af stað af krafti eins og venjulega og er nú þegar búið að setja okkur fyrir ansi mörg verkefni og nokkur próf. Bara stuð! Einnig fór stúlkan og keypti sér kort í líkamsrækt og á nú að fara að reyna að stunda einhverja hreyfingu. Er orðið ansi langt síðan stúlkan átti síðast líkamsræktarkort og sást það best á því að þegar hún mætti í fyrra skiptið gleymdi hún helmingnum af æfingafötunum sínum heima og eftir seinna skiptið situr hún uppi með hæl-og tásæri. Stórhættuleg þessi líkamsrækt!

Annars þá á bara að skella sér suður á morgun enda mikið í húfi! Útskrift á laugardag og má búast við miklum veisluhöldum! Fyrst þarf samt að versla, baka og taka til en stefnt er að því að klára það allt á morgun !!

Megiði eiga góða helgi!!

mánudagur, janúar 09, 2006

Lundagæs!
Þá er stúlkan komin norður og þá getur bloggið víst hafist á ný. Jólafríið var yndislegt og þykir mér mjög sorglegt að það sé búið. Það var auðvitað borðað nóg, sofið, lesið, horft á sjónvarpið, hitt fjölskyldu og vini og unnið smá!! Fríið leið allt of hratt og ég trúi því varla að ég sé komin norður í herbergið mitt aftur!

Helginni var eytt í rólegheit, svona til að safna orku fyrir skólavikuna. Að vísu var farið í helstu verslunarmiðstöðvar borgarinnar og spanderað svolitlu á útsölum... þar var ég hins vegar ekki að verki í þetta skiptið!! Á laugardagskvöldið ákváðum við hjúin svo að elda okkur gæs. Eða Gústinn sá um að elda og ég sat í rólegheitunum inn í stofu og drakk rauðvín-lovely! Svo þegar gæsin var tekin upp úr pokanum kom í ljós að þar var engin gæs á ferð heldur 10 litlir lundar!!! Eftir ágætt hláturskast var ákveðið að steikja lundann og bragðaðist þessi lundagæs svona líka rosalega vel! Spurning um að láta kallinn bara elda héðan í frá???

Svo var brunað norður í gær. Ferðin gekk vel og var færðin fín fyrir utan Holtavöruheiðina en þá sáum við ekki neitt!! Svo er stúlkan bara búin að vera dugleg í dag; fór í skólann, verslaði skólabók, sem kostaði by the way 8 þúsundkalla, fór í Bónus og tók svo til í herberginu sínu! Það er von á svo mörgum gestum þessa önnina svo það er eins gott að það sé til eitthvað í ísskápnum og að herbergið sé snyrtilegt!! Hlakka bara til að fá alla gestina ;)

Kveðjur að norðan...

mánudagur, desember 19, 2005

Lítil stúlka!
Vala og Jökull eignuðust litla prinsessu í gær og vil ég óska þeim, og Viktori Inga stóra bróður, innilega til hamingju:)

Kossar og knús

mánudagur, desember 12, 2005

Þetta styttist!
Jæja, þá get ég loksins sagt "á morgun".... Prófatörn loksins að ljúka, enda tími til kominn, öll blöð og yfirstrikunarpennar að klárast svo ég gæti hvort sem er ekkert lært meira! Tvö próf búin og eitt próf eftir sem háð verður í fyrramálið. Að því loknu verður haldið heim að pakka niður og svo flogið heim til Reykjavíkur! Þegar þangað er komið langar mig mest í heiminum að leggjast upp í sófa og gera ekki neitt. Ekki fyrr en í fyrsta lagi um næstu helgi, þá verður nú vonandi slett eitthvað úr klaufunum!!!

En já, svo breytist þetta viðhorf mitt kannski að loknu prófi. Kannski langar mig bara að fara að skreyta, baka, skrifa jólakort og verzla gjafir. Kannski þá- en ekki núna!

En jæja, ætti kannski að fara að lesa meira um persónuleikaraskanir, geðklofa, anorexiu, áfengismisnotkun, geðhæð og geðlægð og reyna að læra eitthvað! Einnig er þörf á að fara að klára nammið á heimilinu, en það sem keypt var fyrir fyrsta próf er ekki enn búið- ekki nægilega góður árangur hér á bæ (enda vantar hinn helminginn af mér!!).

Wish me luck

laugardagur, desember 03, 2005

Hvers á maður að gjalda?
Úti er allt á kafi í snjó, stillt og fallegt veður og Hlíðarfjallið kallar...
En inni erum við. Að læra. Próf í vefrænum sjúkdómum bíður; gigt, taugasjúkdómar, hjartasjúkdómar, lungnasjúkdaómar, orsakir, einkenni og aukaverkanir. Rosa stuð hér á bæ. Jogginbuxur, flíspeysa, nammi og mandarínur eiga hug minn allan en púðrið og maskarinn fá að vera í fríi!

ooo, hvað ég væri samt til í að vera úti að leika mér í snjónum, baka smákökur, skreyta og verzla jólagjafir,, en það verður að bíða í tíu daga!!

Veitið mér styrk!

þriðjudagur, nóvember 29, 2005

Akureyris
Jæja, þá er búið að útskrifa stúlkuna af Landakoti og hún mætt í herbergið sitt norðan heiða. Það er svosum ágætt, en auðvitað saknar hún vissra aðila og fínu íbúðarinnar! Lokamatið á Landakoti fór fram síðasta föstudag og þar sat mín undir yfirheyrslum kennara Háskólans í tvær klukkustundir og lagði mat sjálfan mig, Landakot og leiðbeinanda minn. Þetta gekk bara nokkuð vel og stóðst ég vettvangsnámið sem er bara gott mál!

Stúlkan var svo heppin að komast í laufabrauðsgerð í síðustu viku. Amman er á svæðinu og því var ákveðið að henda í "ömmulaufabrauð" og skera út fáeinar kökur!! Nú get ég borðað helling af laufabrauði þessi jólin þar sem ég átti stóran hluta í að búa þær til!! Reyndar fóru allar kökurnar í foreldrahúsin, en ég stel örugglega nokkrum eftir prófin!!

Helgin var róleg og notuð til þess að safna orku fyrir jólaprófin! Á laugardag var skroppið í rómantíska ferð í Bláa Lónið og var það rosa huggó! Á leið heim var svo stoppað í PIZZUNNI í Garðabænum og þar fékk ég þessa frábæru pizzu- mæli með þessum stað!

Og nú er stúlkan semsagt komin norður. Og þegar hún var að tékka sig inn í flug í gær komst hún að því að hún hefur orðið fyrir miklum íslensku áhrifum frá föður sínum og öðrum fjölskyldumeðlimum þegar hún sagðist eiga bókaðan miða "til Akureyris".... Stúlkan var nú fljót að leiðrétta þetta og held ég að stúlkan í innrituninni hafi ekkert tekið eftir þessari skemmtilegu málfræðivillu!

Hér fyrir norðan er semsagt snjór, mikið jólaskraut og allt voða jólalegt. Og til að toppa jólastemminguna hittumst við stelpurnar í bekknum í kvöld og héldum Litlu Jólin. Boðið var upp á hangikjet, uppstúf, grænar, malt og appelsín, laufabrauð og annað er tilheyrir jólunum. Svo var skipst á pökkum og fékk stúlkan þetta girnilega jóladagatal og þessa líka sætu fílahúfu!! Takk fyrir gott kvöld allar saman!

Svo nú er bara að fara að læra. Í dag kláraðist einn fyrirlestur, á morgun skal eitt verkefni klárast og svo þarf bara að fara að hella sér í prófalestur. Eitt próf 6. des, annað próf 9. des og það þriðja 13. des og þá kemur stúlkan heim. Svo þið getið farið að telja niður.

Bless í bili

miðvikudagur, nóvember 16, 2005

Fréttir.
Annars er allt gott og ekki neitt að frétta! Tíminn líður eins og vanalega og styttist óðum að verknámið mitt klárist. Mér líst nú ekki nægilega vel á það, en það þýðir að ég þarf að yfirgefa stóru, fínu íbúðina í Breiðholtinu og halda í litla herbergið mitt á Eyrinni. Einnig þarf ég að fara að finna skólabækurnar mínar og þykjast fara að læra eitthvað en ég á víst að taka þrjú próf um jólin. Var næstum búin að gleyma því að ég var í einhverjum áföngum í haust!! En jólafríið byrjar frekar snemma þetta árið, eða 13. desember- minna en mánuður í það :)

Á morgun flyt ég svo "heim" aftur en foreldrarnir ætla að skella sér til útlanda um helgina og munum við systkinin gera eitthvað af okkur á meðan!!

Þangað til næst, farið vel með ykkur!

Kuldi
Já, það er búið að vera ansi kalt hér á bæ undanfarið. Og mér finnst það ekkert sérstaklega gaman, sérstaklega ekki á morgnana, hata að fara út í svona mikinn kulda þegar maður er svona þreyttur. Eins finnst ástkærum bílnum mínum ekki mikið varið í þennan kulda en hann er búinn að vera ansi stríðinn. Einn morguninn var ég mætt í eldsnemma út og ætlaði mér að hafa nægjan tíma til að skafa af bílnum og mæta á réttum tíma í vinnuna. Opnaði bílinn og setti hann í gang og byrjaði svo að skafa. Og hvað haldiði, bílhurðinn lokaðist og bíllinn læstist... ekki séns að opna neina einustu hurð og ég stóð fyrir utan með sköfuna í hendinni. Nú voru góð ráð dýr. Það var auðvitað byrjað á því að hringja í karl föður minn og var hún móðir mín send með aukalyklana til mín. Og á meðan stóð ég úti, horfði á bílinn minn eyða rándýru bensíninu og varð seinni og seinni í vinnuna. Þetta var ekki skemmtileg lífsreynsla en bíllinn var þó vel heitur þegar ég loks komst inn í hann, og nú er ég alltaf með aukalykilinn í vasanum, just in case!

En bíllinn minn lætur sér ekki nægja að læsa lyklana mína inni, heldur hefur hann nú tekið upp á því að vilja ekki opnast á morgnana. Læsingin opnast, en dyrnan eru pikkfastar. Allar nema ein- farþegahurðin aftur í. Svo ég verð bara að gjöra svo vel og fara inn í elskulegan bílinn að aftan og klöngrast í frammsætið. Já stundum er gott að vera lítill og liðugur!!! En ég held að ég verði að fara að gera einhverjar ráðstafanir ef ég ætla með þennan bíl til Akureyrar!!!
Kveðjur úr lopapeysunni...

föstudagur, nóvember 04, 2005

Jájá...
Voðalega gengur mér alltaf illa að blogga í Reykjavík. En skal reyna að bulla eitthvað núna!! Best að líta yfir síðustu vikur....

  • Ég er auðvitað bara á fullu í verknáminu og gengur bara nokkuð vel. Föndur, umræðuhópar, bakstur, æfingar, möt, skýrslur, hjálpartæki og margt margt fleira. Eilífð gleði. Eftir helgi á svo að meta mig og sjá hvort ég sé eitthvað að standa mig. Ég þarf semsagt að fylla út heila bók um það hvernig mér gengur og hversu flottur iðjuþjálfanemi ég er- ekki eins mikil gleði. Ótrúlegt bara að vettvangsnámið sé hálfnað....
  • Svo er mín á fullu í að leika húsmóður í Breiðholtinu!!!! Elda, versla, taka til, þvo þvott!! Svo dugleg. Endilega kíkið í kaffi (lofa ekki kökum)!!
  • Síðasti laugardagur var djammdagur. Byrjað var á því að fara á árshátið sem lukkaðist svona líka vel. Dýrindismatur, fyndin skemmtiatriði og hresst fólk. Stúlkan varð að vísu að yfirgefa staðinn áður en öll skemmtiatriðin kláruðust og áður en desertinn var borinn fram því mín biðu tvö afmæli og Sálarball. Reyndar beilaði ég á öðru game-inu (Sorrý Jón) og stoppaði stutt í hinu, en það var mjög gaman, og Sálin stendur alltaf fyrir sínu. Sunnudeginum var eytt í pizzu, video og sof!
  • Á morgun ætlar stúlkan svo að módelast. Já, hvort sem því trúið því eða ekki ætla ÉG að ganga inn eitthvað gólf, förðuð og greidd og sýna kjól sem áskær frænka mín saumaði. Wish me luck!!

Í fréttum var þetta semsagt helst!!


sunnudagur, október 23, 2005

Reykjavík
Þá er daman komin til borgarinnar og hefur verið svo mikið að gera að ekki hefur fundist tími til bloggskrifa. En fyrst það er farið að skora á mann að skrifa, er best að bulla eitthvað smá hérna.

Ástæðan fyrir Reykjavíkurdvöl í þetta skiptið er vettvangsnám. Það er í heilar sex vikur svo ég er ekkert á förum alveg strax. Nú er ég semsagt að vinna á Landakoti 8 tíma á dag og líkar bara vel. Gaman að prófa eitthvað nýtt og er starf á vettvangi mjög góð tilbreyting frá fyrirlestrunum í skólanum.

Já, það hefur verið nóg að gera síðan lent var í Reykjavík. Um síðustu helgi var haldið á Nasa á Trabant tónleika og þar var feikna fjör. Daman var edrú og eftir djammið var hún að spá í að stunda edrú djömmin; miklu ódýrara, engin leigubílaröð, færri skandalar, engin þynnka og jafnmikil skemmtun!!!

Svo var nú farið út á lífið í gær. Hittumst við nokkrar ofurpæjurnar og borðuðum saman og kjöftuðum frá okkur allt vit. Þar var bolla, bjór og hvítvín í boði og ákvað stúlkan að hætta við öll edrú djömm!! Góð skemmtun og vil ég hér með þakka fyrir mig og hlakka bara til að sjá ykkur sem fyrst!

Stúlkan búin að fjárfesta í World Class korti. Heilar 8800 kr fyrir mánuðinn en fyrst búið var að kaupa ipod var nú eiginlega nauðsyn að eiga kort í ræktinni til að geta notað þetta tryllitæki almennilega! Nú er miklu skemmtilegra að fara í Klassann og hlaupa í takt við tónlistina sem ég vil hlusta á, en ekki bara einhverjar leiðinlegar útvarpsstöðvar; skil ekki hvernig ég gat æft án ipodsins áður;)

Nú hefur stúlkan flutt sig úr 104 og "upp í sveit" og finnst það bara fínt. Að vísu tekur öll keyrsla aðeins lengri tíma en áður, en samt styttri tíma en frá Akureyri! Þar sem sveitin býður ekki upp á netaðgang í bili verður kannski eitthvað lítið um bloggfærslur næstu vikur, en við sjáum nú til. Kannski maður kíki öðru hverju í heimsókn til mömmu og pabba og fái að nota netið þeirra !!!

Þangað til næst.. verið dugleg að kommenta;)

þriðjudagur, október 11, 2005

Hmmm....
Tíminn líður hratt þessa dagana, enda miklu meira en nóg að gera í skólanum og varla tími til að klára neitt. Síðasta föstudag var SPRELLMÓT Háskólans haldið með pomp og prakti en vegna mikilla verkefnavinnu var ákveðið að taka sér frí frá sprelli, nýta daginn til að læra og djamma svo um kvöldið. En einhverra hluta vegna var lítið lært þennan dag, en dagurinn í stað þess nýttur til svefns enda Iþað nauðsynlegt til að hafa einhverja orku í djamm (ætli maður sé orðinn gamall??).
Kvöldið var fínt, stelpuhittingur, pizza, cosmopolitan, Sjallinn og kíkt á Vélsmiðjuna. Ég er ekki frá því að Vélsmiðjan hafi staðið sig betur en Sjallinn þetta kvöld (aftur, er að verða gömul?). Eftir nokkra dansa á hvorum stað, var svo stungið af heim, frekar snemma......

Nú eru bara tveir skóladagar eftir og svo verður brunað suður. Mér líður eins og ég sé að fara í jólafrí. En það er víst ekki alveg svo gott. Hlakka rosa til að koma til Reykjavíkur, en get þó viðurkennt að ég er komin með ansi mikið leið á niður- og upppakkningum!!!

Hér fyrir norðan er snjór, kalt og sleipt, semsagt kominn vetur!!

Sjáumst í REYKJAVÍK!

þriðjudagur, október 04, 2005

Blogg smogg
Jæja, það er víst farið að kvarta undan bloggleysi svo það er eins gott að bregðast við því. Annars er ekki mikið markvert að gerast í lífi mínu þessa dagana.
Ég skrapp til Reykjavíkur um helgina og það var auðvitað bara gaman. Ég náði bara að gera ansi margt á þessum fjórum dögum, meðal annars:

En nú er alvara lífsins tekin við og verður tekið hart á því næstu daga. Það eru bara 6 dagar eftir af skólanum og svo kemur daman suður til að hefja verknám. En áður en það hefst þarf að skila tveim verkefnum, semja fyrirlestur og flytja hann (Á ENSKU) og jafnvel djamma svolítið!

Best að fara að byrja á einhverju!

sunnudagur, september 25, 2005

Með jólakveðju frá Akureyri
Ég held að norðlendingar séu eitthvað að ruglast í mánuðunum þessa dagana. Í mínum augum er allavega enn þá september en hérna er allt orðið hvítt af einhverju sem kallast snjór og á ekki að sjást nema um hávetur. Hvert fór haustið eiginlega? Já, hér er sem sagt búið að snjóa á fullu alla helgina og orðið frekar jólalegt um að lítast. Einhver var samt að ljúga því að mér að það ætti að fara að rigna á morgun og því gæti orðið ansi leiðinlegt gönguveður- fúlt.

Helgin. Föstudagurinn var rólegur. Matarboð og dvd-gláp. Laugardagur. Annað matarboð, pottur, nokkrir bjórar og singstar partý!!

Nú er stúlkan búin að vera hér í tvær vikur og finnst því tími til kominn að halda til Reykjavíkur. Þar af leiðandi er stefnan tekin á flugvöllinn á Akureyri seinnipart vikunnar og vonandi gerir stúlkan góða hluti þar á bæ!

Þangað til næst...

miðvikudagur, september 21, 2005

KLUKK
Ákvað að ljúka þessari klukk áskorun bara af, enjoy...

1. Ég er fædd í Reykjavík en bý núna í höfuðstað norðurlands, Akureyri. Og eftir að ég flutti hingað hef ég komist að þeirri staðreynd að ég er bara Reykvíkingur í húð og hár. Þótt Akureyri segist bjóða upp á öll lífsins gæði þá höfum við bekkjarsysturnar bara komist að því að það er ekki satt.

2. Ég ELSKA að ferðast. Og eftir að ég prófaði að ferðast um Mið-Ameríku vil ég helst bara fara á framandi staði. Búin að prófa Afríku, svo nú býð ég bara eftir tækifærum til að komast til Asíu eða Ástralíu. En mér finnst reyndar líka rosa gaman að fara í útilegur og sumarbústaði á Íslandinu okkar. Grill, tjald, bjór, gítar og söngur, helst smá rigning, gerist ekki betra. Svo eftir að ég flutti á Akureyri finnst mér frábært að ferðast til Reykjavíkur!!

3. Ég ELSKA að borða. Grillmatur, kjúklingur, fiskréttir, mömmumatur, ís, nachos, bland í poka, súkkulaði... hvert öðru betra!!

4. Ég held að ég HATI ekki margt. Erfði svokallaðan Pollýönnuleik frá henni móður minni og reyni því að sjá jákvæðu hliðarnar á flestu. Reyndar hata ég mikið þegar vekjaraklukkan mín hringir á morgnana. Hún á það bara til að hringja áður en að ég er búin að sofa nóg. Einnig hata ég að ryksuga. Ætla að fá einhvern annan til þess að sjá um það á mínu heimili. Ég hata líka þegar það rignir og ég þarf að labba í skólann, þá væri nú gott að hafa bílinn sinn!

5. Ég hef aldrei verið mikið fyrir það að horfa á sjónvarpið. En ef það er eitthvað sem ég má ekki missa af, þá er það ER og einnig voru FRIENDS alltaf á sjónvarpsdagskránni hjá mér þegar þeir voru og hétu. Nú er ég líka að þroskast og er farin að horfa á American Next Topmodels, Desperate Houswifes og LOST. Svo þetta er allt að koma hjá mér.


Hmm, nú er bara spurning hvern ég eigi að klukka.

Ég hugsa að ég klukki Steinunni mína, Unni Ylfu og svo er ég að hugsa um að plata Hagnaðinn til að segja okkur frá 5 staðreyndum um sjálfan sig!

Takk fyrir mig.


Latest days...
Jæja, er ekki kominn tími á smá update? Helgin liðin og stúlkan enn á Akureyri og stefnir hún á að vera hér í rúma viku í viðbót áður en haldið verður suður.

Helgin var ekki mjög viðburðarrík. Á föstudaginn hittumst við nokkrar pæjurnar, skelltum í okkur nokkrum bjórum og héldum á Stuðmannaball í Sjallanum. Það var bara hin ágæatasta skemmtun. Laugardaginn byrjaði af krafti þegar ég var dregin út að hlaupa um hádegi og fór svo í göngutúr niður í Hagkaup í góða veðrinu. En þá var dugnaðurinn líka búinn því restin af deginum fór í nammi- og pizzuát, dvd-gláp og leti. Very nice. Sunnudagur; ekkert merkilegt gert, nema jú, horfði á fyrst þáttinn af LOST.

Deginum í dag hef ég svo eytt í það að tala við FULLT af grunnskólabörnum, fræða þau um hvað iðjuþjálfun er og kenna þeim að bera skólatöskurnar sínar rétt. Þetta var áhugaverður dagur, en nú er ég alveg búin á því-börn eru orkusugur!! Á eftir verður svo haldið í Pennann til að vigta börn og skólatöskur og finna út hvort töskurnar þeirra séu of þungar. Sama dagskrá fyrir morgundaginn!! Já, þetta er það sem ég er að læra !!!

Belive it or not, þá er komið að sameignarþrifum enn eina ferðina,, trúi því ekki, finnst ég nýbúin að þrífa þessa sameign. En þessu verður að rumpa af fyrir helgina, hlýt að geta það.

Var að taka eftir því rétt í þessu að það er búið að KLUKKA MIG og það er eins gott að taka á því. En vegna tímaskorts og hugmyndaleisis í augnablikinu, verður það að bíða þangað til í næstu færslu!!!

fimmtudagur, september 15, 2005

Akureyri
Jæja, þá er stúlkan komin aftur norður eftir góða helgi í Reykjavíkinni. Þar var allt gert til að standa sig sem besta systir; farið í bíó á Herbie, á kaffihús, í ísbíltúr, í Smáralindina og keyptur tölvuleikur, út að borða og fleira og fleira. Vá, hvað maður náði að afreka mikið á þremur dögum...

Og nú er komin önnur helgi (enginn skóli á morgun) og ætlar stúlkan sér bara að vera hérna megin heiðarinnar þessa helgina!! Engin stór plön fyrir komandi helgi; í kvöld á að tilraunast í eldhúsinu og elda kjúklingarétt. Hver veit nema það verði svo gripið í spil eða eitthvað. Á morgun á svo að hittast upp í skóla og sauma, já við erum svo duglegar!! Svo er líka spurning hvort maður fari og taki plastið utan af skólabókunum....

...nú er daman semsagt búin að horfa á alla séríuna af Desperate Houswifes og þá er spurningin hvort það verði byrjað á Lost eða farið að læra...

Annars sýnis mér skíðaáhugamenn megi nú fara að hugsa alvarlega um að dusta rykið af skíðadótinu sínu því fjallið er orðið ansi hvítt!!!

Adios mi amigos

föstudagur, september 09, 2005

Jólin...
... jæja, snjórinn ákvað að festa ekki rætur hér í þetta skiptið og þetta fína veður kom bara í staðinn, sem við erum bara mjög sátt við, held ég. Fyrst að það er hætt að rigna, snjóa og vera kalt, ákvað stúlkan að nýta sér fríviku á Bjargi, og fór inn að hlaupa og lyfta í fyrsta skipti síðan í lok apríl (sem er bara nokkuð langur frítími frá ræktinni á Oddnýjar-mælikvarða!). Þessi líkamsræktarstöð er bara hin fínasta og stefnir stúlkan á að kaupa sér kort þarna eftir jólin!!

Í gær tókum við okkur til nokkrar stelpurnar í bekknum og skelltum okkur á Jólatónleika Hvanndalsbræðra. Já, ég fór á jólatónleika á Græna Hattinum þar sem allt var skreytt með jóladóti og seríum!! Þessir ágætu strákar hafa víst ekki tíma til að halda jólatónleikana í desember, svo þeir gera það bara í september! Þetta var bara hin besta skemmtun og ekki spillti fyrir að fá sér 1-2 bjóra með!!

Nú er stúlkan búin að vera hér norðan heiða í 5 nætur og finnst henni því tímabært að koma sér til Reykjavíkur og hita rúmið þar! Stefnan er að fljúga heim um hádegi í dag og vera fram á sunnudag. Planið er að vera besta systir þessa helgina og gera eitthvað fjörugt með brósanum en þau gömlu ætla að skella sér í jeppaferð (af því að þau eiga svo fínan jeppa...!!!). Reyndar missi ég af ROSA iðjudjammi hér meðan ég er í Reykjavík, en maður verður víst að leyfa foreldrunum að djamma endrum og eins!! Og eins og ég hef víst sagt áður, þá verður nú væntanlega ekkert gaman á Iðjudjamm fyrst ég verð ekki á staðnum....

En ég ætla að enda þessa færslu með tilvísun í Hvanndalsbræður, sem áttu marga góða brandara og lög í gær:

Lífið getur stundum verið erfitt...
...en maður kemst ekki af án þess...!!!

miðvikudagur, september 07, 2005

Vetur
Fyrsti snjór vetrarins féll í morgun... og hann fellur enn
Er þetta ekki full snemmt, ég bara spyr!

fimmtudagur, september 01, 2005

Latest news...
Jæja, er þá ekki kominn tími á uppfærlslu? Lífið að komast í sinn vanagang á Akureyrinni, stúlkan farin að hreyfa sig, þvo þvottinn sinn, kaupa í matinn, borða búst og hafragraut, blogga, og er orðin þvílíkt þurr á höndunum og vörunum (en þurrkur er stór aukaverkun þess að búa á norðulandinu!!). Herbergið mitt er líka að verða gestahæft, nú er daman meira segja komin með eigið klósett inn til sín og nú setur hún markið bara á eigið eldús næst þegar hún fer í eigið húsnæði.

Skólinn heldur áfram með látum, verkefni verkefni verkefni, og allt of margir fyrirlestrar! Einnig virðist Hlíðarfjallið ætla að bjóða upp á skíðafæri snemma þetta árið, þar sem snjórinn færist neðar og neðar í fjallið með hverjum deginum sem líður!

Annars ákvað stúlkan að það væri nú ekki hollt að vera nema svona viku á Akureyri í einu og því er hún komin til Borgarinnar núna og ætlar að stoppa fram á sunnudag. Ekki mikil plön, nema Franzinn á morgun og svo bara rólegheit!

Góða helgi

föstudagur, ágúst 26, 2005

AKUREYRIS
Þá er daman mætt á Akureyri og komin í netsamband. Nú er hún búin að vera hér í 2 daga en lagt var af stað norður seinnipart miðvikudags eftir miklar niðurpakkningar og kveðjustundir. Það gerðist nú ekkert markvert á leiðinni hingað, ég sá óvenju marga löggubíla sem skiptu sér ekkert af mér og tvær Norðurleiðarútur sem virtust vera á tíma. Semsagt tíðindalaus ferð.

Þegar hingað var komið var byrjað á því að tæma bílinn og labba óteljandi ferðir upp og niður með töskur og poka (thank god að ég bý ekki á þriðju hæð!). Einnig var þörf á að tæma geymsluna og skila bílnum sem ég kom á. Nú er stúlkan sem sagt orðin fótgangandi aftur en það er ekki það skemmtilegasta þessa dagana þar sem hér er búið að vera rok og rigning og skítakuldi síðan ég kom. Það er meira að segja kominn snjór langleiðina niður Hlíðarfjallið.... er ekki örugglega ágúst enn þá, maður spyr sig?

Skólinn byrjaði í gær og má segja að hann hafi byrjað með trompi. Það er strax farið að dúndra á okkur verkefnum og eru skil á nokkrum á mánudag! Hressandi.

Farin að gera eitthvað af viti,, eða ekki...

laugardagur, ágúst 20, 2005

Helgarfrí-sumarfrí....
Þá er stúlkan loks komin í helgarfrí eftir að hafa unnið síðustu þrjár helgar. Og ekki nóg með að hún sé komin í helgarfrí, heldur er hún komin í sumarfrí líka! Ekki leiðinlegt það. Að vísu ekki langt sumarfrí því skólinn byrjar á fimmtudag, en frí er það samt. Daman endaði vinnuna á BSÍ með því að taka tvær "morgunvaktir" (veit nú samt ekki hvort það eigi að kalla þetta morgunvaktir þar sem þær byrja klukkan 4 á NÓTTUNNI), en þetta var bara ansi hressandi. Mér finnst samt hálf asnalegt að bjóða "góðan daginn" á þessum tíma sólarhringsins, en það er víst ekki hægt að bjóða "góða nótt"! Ég held að ég myndi ekki vilja taka svona morgunvaktir að mér í lengri tíma en það var fínt að prófa þetta!

Í gær var vinnunni svo slúttað með smá tjútti. Það var byrjað að fara í hestaferð hjá Íshestum og var mér úthlutað hesti sem var "nokkur garpur" þó svo ég væri nýbúin að tjá mig um það að ég kynni ekkert á hesta! Og af því að ég hef einungis tvisvar eða þrisvar farið á hestbak áður ákvað ég að fara með hópnum sem hafði "full control of the horse"..... Þegar líða tók á túrinn fann ég samt að ég hafði gjörsamlega enga stjórn á hestinum.... Hann gerði bara nákvæmlega það sem ferfætlingurinn á undan honum gerði og hlýddi engu sem ég bað hann um að gera!!! En ég lifði þennan túr af án þess að detta nokkurn tímann af baki og er bara nokkuð sátt við mig!!

Að lokinni hestaferð yfirgaf ég Kynnisferðaliðið og hélt í leikhús með foreldrunum og Gústanum. Við fórum að sjá Kaparett í Óperunni og mæli ég eindregið með þessari sýningu. Mjög góð. Eftir leikhúsið var vinnuliðið auðvitað farið að sakna mín og vildi endilega fá mig á Players þar sem allir voru samankomnir. Ég ákvað að kíkja þangað og tók gamla settið með mér (þar sem pabbi er nú gamall Kynnisferðastarfsmaður vildi hann ólmur koma með)!! Ég var nú að koma á Players í fyrsta skipti og ég held að ég sé nú ekkert æst í að fara þangað aftur. En þetta var samt ágætt. SAGA KLASS að spila og var alveg hægt að dansa við lögin þeirra. Stúlkan hélt samt snemma heim þetta kvöld sökum hausverkjar, vöðvabólgu og rasssæris, og kennir hún hrossaferðinni fyrr um daginn um það....

... í dag, um það bil 24 klst eftir umrædda hestaferð er stúlkan enn aum í skrokknum og telur hún að hestaferðir verði ekki á dagskránni á næstunni!!! En hún er á leið á SÁLARBALL í kvöld og vonast til að sjá sem flesta þar...

GÓÐA MENNINGARNÓTT

miðvikudagur, ágúst 10, 2005

Vaktafrí!
Jæja, þá er ég loks komin í tveggja daga frí eftir 7 daga vinnutörn. Það er alltaf ljúft að eiga vaktafrí á virkum dögum, en líka álíka leiðinlegt að þurfa að vinna um helgar þegar flestir aðrir eru í fríi. Sérstaklega var það leiðinlegt um Verslunarmannahelgina sjálfa þegar ég var oftar en einu sinni minnt á það hversu mikið fjör var á Þjóðhátíð og einnig fékk ég að heyra hvað brekkusöngurinn hljómaði vel!! Takk fyrir það kæru vinir:)

En nú er stúlkan farin að plana djamm á laugardag og vonast til að eiga gott Reykjavíkurdjamm, sem verða nú með þeim síðustu áður en haldið verður norðan heiða til að stunda skólann. En þangað á að fara þann 24. ágúst næstkomandi og mun ég taka við heimsóknaróskum bráðlega!

Þangað til næst, farið vel með ykkur.

fimmtudagur, júlí 28, 2005

Sól og sumar!
Jæja, loksins fengum við sól, og hún bara búin að vera í næstum heilar tvær vikur. Það er nokkuð gott. En hún mætti alveg vera lengur.
Það er eitthvað búið að bralla síðustu vikur, ekki mikið samt, en það helsta er:


mánudagur, júlí 04, 2005

Sumarið er tíminn!
Það virðist vera eins með þetta sumar og öll hin; ÞAU LÍÐA ALLT OF HRATT! Það er semsagt kominn júlí og stúlkan bara búin að vera að vinna, vera í fríi, djamma svolítið og njóta sumarsins, alveg eins og hún hafði planað! Um helgina var skroppið í Þórsmörk og þrátt fyrir töluverða rigningu var helgin hin mesta skemmtun enda ekki annað hægt þegar nóg er af öli, góðum grillmat, skemmtilegu fólki, brennu, gítar og svo framvegis. Að vanda var Frændinn með myndavél og má sjá myndir hér.
Njótið sumarsins!

fimmtudagur, júní 23, 2005

Ísland-best í heimi
Já, já, ég veit að ég er léleg að blogga, það er bara eitthvað við Reykjavík sem fær mig til að blogga ekki!!

En ég er semsagt komin heim frá Tanzaniu, heil á húfi og í skýjunum eftir þessa frábæru ferð. Hitti Hondúrasanna í London og tæmdi nokkrar búðir áður en ég hélt aftur heim til Íslands. Það var nú ósköp gott að komast heim og sofna í rúminu sínu, fara í heita sturtu, geta gengið að hreinum klósettum og svo framvegis!! En frábær ferð og ég á fullt af myndum og minjagripum sem ykkur er velkomið að koma og skoða!

Nú er maður bara farinn að vinna á fullu og líkar bara vel. Gaman að prófa að þjóna túristunum í stað þess að vera einn. Annars á bara að njóta sumarsins, ferðast þegar tækifærin gefast og djamma svolítið. Fór í útilegu um síðustu helgi með Frændanum og fleirum og var það svaka stuð enda fádæma skemmtileg fjölskylda þar á ferð.

En vinnan kallar..
Later..

This page is powered by Blogger. Isn't yours?